ஹ‌ீரோ ஹோண்டா பைக் விலை உயர்வு

இருசக்கர வாகன தயாரிப்பில் சிறந்து விளங்கும் நிறுவனமான ‌ஹ‌ீரோ ஹோண்டா, தனது நிறுவன பைக்குகளின் விலையை குறிப்பிடத்தக்க அளவு உயர்த்தியுள்ளது.

டெல்லியில் செய்தியாளர்களிடம் பேசிய போது இதனை தெரிவித்த ‌ஹ‌ீரோ ஹோண்டா நிறுவனத்தின் நிர்வாக இயக்குனர் சுனில் கன்ட் முஞ்சால், மூலப் பொருட்களின் விலை கணிசமாக உயர்ந்துள்ளதால், பைக்குகளின் விலையை உயர்த்த வேண்டிய கட்டாயம் ஏற்பட்டுள்ளதை சுட்டிக்காட்டினார்.

கடந்த வாரம் முதலே இந்த விலையுயர்வு நடைமுறைப்படுத்தப்பட்டு உள்ளதாகவும், இதன்படி அந்நிறுவன பைக்குகளின் விலை ரூ.500 முதல் ரூ.1,000 வரை அதிகரிக்கும் என்றும் அவர் கூறினார்.

இந்தியாவில் ஜப்பான் டயர் நிறுவன ஆலை

ஜப்பான் நாட்டைச் சேர்ந்த யோக்ஹாமா டயர் கம்பெனி அரியானா மாநிலத்தில் புதிதாக டயர் தயாரிப்பு தொழிற்சாலை ஒன்றை அமைக்க திட்டமிட்டுள்ளது.

தொடக்க நிலையில் இத்தொழிற்சாலையில் ரூ.965 கோடி முதலீடு மேற்கொள்ளப்படும் என்று தெரிகிறது.

இந்நிறுவனம் ஆண்டுக்கு 420 கோடி டாலர் (சுமார் ரூ.16,800 கோடி) விற்றுமுதலைக் கண்டு வருகிறது.

இத்தொழிற்சாலைக்காக இந்நிறுவனம், புதுடெல்லியிலிருந்து 45 கிலோ மீட்டர் தொலைவில் அமைந்துள்ள பகதூர்கார் தொழிற்பேட்டையில் 25 ஏக்கர் நிலத்தைப் பெற்றுள்ளது. இது இந்தியாவிலேயே மோட்டார் வாகன டயர்களுக்கான மிகப் பெரிய சில்லரை விற்பனை சந்தை என்பது குறிப்பிடத்தக்கது.

இங்கு யோக்கஹாமா நிறுவனம் ஒரு முழுமையான டயர் உற்பத்தி பிரிவை அமைப்பதுடன், ஆராய்ச்சி மற்றும் மேம்பாட்டு பிரிவு ஒன்றையும் ஏற்படுத்த திட்டமிட்டுள்ளதாக தெரிவிக்கப்பட்டுள்ளது.

யோக்கஹாமா நிறுவனம் சர்வதேச அளவில் ஏழாவது பெரிய டயர் தயாரிப்பு நிறுவனமாக உள்ளது. இந்நிறுவனம் ஐரோப்பா, அமெரிக்கா, சீனா, தாய்லாந்து, தைவான் மற்றும் பிலிப்பைன்ஸ் ஆகிய நாடுகளில் செயல்பாடுகளைக் கொண்டுள்ளது.

சார்ஜாவில் கடை வாடகைக்கு..