இந்தியாவில் ஐஃபோன்: ஆப்பிள்-வோடஃபோன் ஒப்பந்தம்

டெல்லி: இந்தியாவில் ஐஃபோன்களை விற்க முன்னணி சாப்ட்வேர் நிறுவனமான ஆப்பிளுடன் வோடஃபோன் நிறுவனம் ஒப்பந்தம் செய்துள்ளது.

இங்கிலாந்தை சேர்ந்த வோடஃபோன் நிறுவனம் இந்தியா உள்பட பல்வேறு உலக நாடுகளில் செல்ஃபோன் சேவையை வழங்கி வருகிறது. இந்த நிலையில் இந்தியா உள்பட 9 நாடுகளில் தனது வாடிக்கையாளர்களுக்கு அதிநவீன ஐஃபோன் சேவையை வழங்க திட்டமிட்டுள்ளது.

இந்த ஆண்டு இறுதிக்குள் இந்தியா, ஆஸ்திரேலியா, செக் குடியரசு, எகிப்து, கிரீஸ், இத்தாலி, போர்ச்சுகல், நியூசிலாந்து, தென்ஆப்பிரிக்கா, துருக்கி ஆகிய நாடுகளில் உள்ள வோடஃபோன் வாடிக்கையாளர்கள் ஐஃபோன் சேவையை பெறுவார்கள் என அந்த நிறுவனம் தெரிவித்துள்ளது.

ஐஃபோன் என்பது எச்டிஎம்எல் இ-மெயில் மற்றும் பிரவுசிங் வசதி கொண்ட மொபைல் ஃபோன். இதன்மூலம் இன்டர்நெட்டில் அநாயாசமாக பிரவுஸ் செய்யலாம்.

உங்கள் கம்ப்யூட்டரில் உள்ள புக் மார்க்குகளை தானாகவே சின்கரனைஸ் செய்யும் வசதிகூட உண்டு. கூகுள், யாகூ சர்ச் இன்ஜின்கள் இன்பில்ட்டாக உள்ளது.

வயர்லெஸ் கனெக்ஷ்ன் மூலம் செய்திகள் அல்லது படங்களை இ-மெயிலில் அனுப்பிக் கொண்டிருக்கும்போதே தொலைபேசியிலும் பேசமுடியும். ஒரேநேரத்தில் பல இயக்கங்களை செய்யக்கூடியது ஐஃபோன்.

இந்தியாவில் ஐஃபோன்களை விற்பதற்கு முன்னணி சாப்ட்வேர் நிறுவனமான ஆப்பிளுடன் வோடஃபோன் ஒப்பந்தம் செய்துள்ளது.

இந்தியாவில் ஜப்பான் டயர் நிறுவன ஆலை

ஜப்பான் நாட்டைச் சேர்ந்த யோக்ஹாமா டயர் கம்பெனி அரியானா மாநிலத்தில் புதிதாக டயர் தயாரிப்பு தொழிற்சாலை ஒன்றை அமைக்க திட்டமிட்டுள்ளது.

தொடக்க நிலையில் இத்தொழிற்சாலையில் ரூ.965 கோடி முதலீடு மேற்கொள்ளப்படும் என்று தெரிகிறது.

இந்நிறுவனம் ஆண்டுக்கு 420 கோடி டாலர் (சுமார் ரூ.16,800 கோடி) விற்றுமுதலைக் கண்டு வருகிறது.

இத்தொழிற்சாலைக்காக இந்நிறுவனம், புதுடெல்லியிலிருந்து 45 கிலோ மீட்டர் தொலைவில் அமைந்துள்ள பகதூர்கார் தொழிற்பேட்டையில் 25 ஏக்கர் நிலத்தைப் பெற்றுள்ளது. இது இந்தியாவிலேயே மோட்டார் வாகன டயர்களுக்கான மிகப் பெரிய சில்லரை விற்பனை சந்தை என்பது குறிப்பிடத்தக்கது.

இங்கு யோக்கஹாமா நிறுவனம் ஒரு முழுமையான டயர் உற்பத்தி பிரிவை அமைப்பதுடன், ஆராய்ச்சி மற்றும் மேம்பாட்டு பிரிவு ஒன்றையும் ஏற்படுத்த திட்டமிட்டுள்ளதாக தெரிவிக்கப்பட்டுள்ளது.

யோக்கஹாமா நிறுவனம் சர்வதேச அளவில் ஏழாவது பெரிய டயர் தயாரிப்பு நிறுவனமாக உள்ளது. இந்நிறுவனம் ஐரோப்பா, அமெரிக்கா, சீனா, தாய்லாந்து, தைவான் மற்றும் பிலிப்பைன்ஸ் ஆகிய நாடுகளில் செயல்பாடுகளைக் கொண்டுள்ளது.